-Almmuhus-
OĐĐASATGuoládagas skihpačuovžžat

Guoládagas skihpačuovžžat

-

-

Mannan vahku Guoládatnjárggas Ruošša sosiála medias, man namma lea VK, guolásteaddjit ja luondduberošteaddjit juohkigohte balddihahtti govaid, namalassii skihpačuovžžain. Ášši lea bullehan digaštallama. Áššedovdit eai máhte vuos addit čielga vástádusa.

Sivvan digaštallamii lea dat ahte dán jagi Guoládatnjárggas juo skihpagohte luosat. Eiseválddit eai leat vuos nagodan gárvet čorgenbarggu dainna. Ovtta oasi skihpaluosas galget boaldit sierra vuogi mielde eará fylkkain go Murmánskkas eai leat doarvái návccat dása.

 

Dál leat čuovžžat skihpagoahtán. Olbmuin lea veahá panihkka. Soapmásat navdet ahte sáhttet jápmit buot guolit guovllus. Muhtimat fas sivahallet skihpaluosa. Oaivvildit ahte čuovža lea borran luosa meađđemiid.

 

Muhto ášši ii leat nu álki. Bloger51 lei áidna dassážii olmmoš gii lea geahččalan oažžut mearkkašumiid ášši oktavuođas áššedovdiin.

 

Dáid govaid vuođul lea váttis dadjat mii lea sivvan go leat unnán dieđut. Eat dieđe ledje go dat guolit seammás govviduvvon, vai lei go ollu maŋŋelaš. Das leat ollu fáktorat maid vuođul galgá árvvoštallat. Dieđusge dát ášši ii leat buorre, lohká meara ja eará čázádagaid dutkanlaboratoria áššedovdi.

 

Árabut navde váldosivvan luosa jápmimii Guoládatjogas dávdda mii sáhttá njoammut hui álkit čuvžii maid.

– Soaitá dát dávda šattai vuolggasadjin go čuovža lea skihpan, lohká áššedovdi Bloger51:ii

Áššedovdit lohke ahte dávda ii leat vuos dutkojuvvon albma ládje vel.

 

Addit 100 proseantta vástádusa áššedovdit eai duostta.

-Almmuhus-