Departemeanttaid sihkarvuođa- ja bálvalusorganisašuvdna (DSS) lea fuomášan guoktenuppelohkái departemeantta IKT-vuođđovuogádagat leat dihtorfallehuvvon. Politiijat dutket ášši.
– Mii váldit dáhpáhusa duođalaččat. DSS ovttasbargá Nationála sihkarvuođaeiseváldiin ja Politiijain. Sii leat álggahan doaibmabijuid gieđahallat falleheami, ja mii čuovvut dilálašvuođa, dadjá gielda- ja guovloministtar Sigbjørn Gjelsvik (Gb).
Gielda- ja guovloministtar áigu dieđihit Stuoradikki viiddiduvvon olgoriika- ja suodjaluslávdegoddái ášši birra.
– Lea dehálaš deattuhit ahte ráđđehusa bargu doaibmá nu go dábálaččat. DSS lea bidjan johtui olu sihkarvuođadoaibmabijuid sihkkarastit dieđuid mat leat IKT-vuogádagas. Sáhttá šaddat dárbbašlaš johtuibidjat liige sihkarvuođadoaibmabijuid. Dat árvvoštallojuvvo dađistaga, dadjá Gjelsvik.
