Son gii lea áššáiduhtton niibbástallamis, ja lea ožžon guovtti vahkku háldogiddagasa álgoálggus.
Politiijat čállet preassadieđáhusas ahte Nuorta-Finnmárkku diggegottis mearriduvvui ahte áššáiduhtton olmmoš galgá guovtti vahkku háldogiddagasas čohkkát, go lea rohkkáhan guokte vuoras olbmo Girkonjárggas niibbiin.
Politiijat ledje bivdán njealje vahkku, ja seammás bivdán psykiátralaš árvvoštallama sus.
– Mii vuordit ahte psykiátralaš árvvoštallan lea fargga gárvvis, ja dat bidjá viidáset eavttuid háldogiddagassii. Muđui leat guorahallame báikki, ja gažadeame vihtaniid. Áššáiduhtton lea addán oanehis čilgehusa, muhto sávvá viidáset čilget riektečoahkkimis, dadjá politiijaadvokáhtta Lisa Moon Sneve.
