Norrbottena politiijat dieđihit ahte guokte skutera manne jieŋa čađa 12 áiggi sotnabeaivvi Duortnosjávrris, Abeskuovus Girona gielddas.
Oktiibuot ledje guhtta olbmo báikkis geat eai beassan gáddái asehis jieŋa dihte.
Dat guokte skuterat vudjo Duortnosjávrái.
Stuora gádjunveahka sáddejuvvui báikái, sihke ambulánsa ja politiijahelikopter. Maiddái Norgga gádjunhelikopter bođii veahkkin.
Dat guhtta olbmo gádjojuvvojedje eret asehis jieŋas Duortnosjávrris.
13 áiggi ledje buohkat vižžon helikopteriin ja dolvojuvvojedje Duotnosjávrri hámmanii.
Nu dieđihit Norrbottena politiijat.
