Gárasavvonis várohit njeallje eará boaresolbmui njommon koronadávda, seamma boarrásiidruovttus.
Girona suohkanis lea leavvagoahtán koronadávda, go muhtin boarrásiidruovttus Gárasavvonis leat guokte boaresolbmo jápmán maŋŋel go duođaštuvvui ahte sudnos lei dát dávda. Dán birra čállá Sveriges Radio.
Leavvan
Várohuvvo ahte vel njeallje eará pasieanttas soaitá dávda. Dasa lassin lea viđa bargis duođaštuvvon korona, seammás go várohit ahte njealji eará bargái soaitá dávda njommon.
Seammás dieđiha Girona suohkan ahte muhtin eará geavaheaddji suohkanis lea jápmán koronadávdii.