Birasdirektoráhtta attii lobi báhcit gumppiid Rendalenis. Veahá maŋŋelis báhččojedje guokte gumppe helikpoteris.
Lei Stáda Luondduibearráigeahču (SNO) bargi gii bázi gumppiid. Gumppet báhččojedje oarjjabealde Sølensjøen Rendalena suohkanis, dieđiha Birasdirektoráhtta preassadieđáhusas. Ledje rávjá ja ciiko mat báhččojedje, dadjá SNO bargi Lars Gangås.
– Mii oaččuimet dieđu odne ja báziimet daid logi minuvtta maŋŋel, muitala Gangås.
Ledje Tolga, Tynset ja Rendalen suohkaniid sátnejođiheaddjit geat ledje ohcan báhčinlobi maŋŋel go gumppet ledje borran olu sávzzaid ja bohccuid mannan geasi ja čavčča.
