-Almmuhus-
OĐĐASATGuokte golmma váidagis heaittihuvvojit

Guokte golmma váidagis heaittihuvvojit

-

-

Eambbogat váidet politiijaide veahkaválddálašvuođa lagas birrasiin, muhto ollu dain áššiin heaittihuvvojit.

– Lea váttis dutkat dakkár áššiid. Earret eará dan dihte go veahkaválddálašvuohta dáhpáhuvvá ruovttu seinniid siskkobealde, ja leat unnán vihttanat dahje ii okta ge vihtan, muitala Politiijadirektoráhta doaibmi sekšuvdnajođiheaddji Randi Borge NRK:i.

 

– Várrogas ávžžuhusaiguin

Veahkaválddálašvuohta lagas birrasis lea lassánan 35 proseanttain 2012 rájes, muhto guovtti golmma áššis, 65 proseantta, heaittihedje politiijat diibmá. Heaittiheamit lassánit, čájehit Politiijadirektoráhta logut.

Veahkaválddálašvuohta lagas birrasiin ii leat vuoruhuvvon doaresbeal báikkiin, oaivvilda Heahteveahkkečállingotti jođiheaddji Tove Smaadahl.

– Áššit leat persovnnaid duohken ja sahtedohko gos lea go váidá ášši. Nu ii galgga leat, lohká Smaadahl ja muittuha ahte politiijat ávžžuhit váidit veahkaválddálašvuođa lagas birrasiin.

– Ferte leat várrogas ávžžuhusaiguin go servvodat ii nagot áimmahuššat ja čađahit vuordámušaid, lohká son. (©NTB)

-Almmuhus-