Lotto-speallu ávvuda 30 jagi, ja beassášlávvordaga juhke 30 iešguđet SuperLotto vuoittuid.
Lotto-speallu ávvuda 30 jagi, ja beassášlávvordaga juhke 30 iešguđet SuperLotto vuoittuid.
Badjel 300 SuperLotto vuoitit leat jo gesson dán rádjái, go beassášlávvordaga gesse vel 30 vuoiti geat ožžo dan gullon telefuvnna Hamaris.
Juohke vuoiti oaččui 1.366.665 ruvnno, ja guovttis vuitiin leaba Finnmárkulaččat.
Leavdnjalaš vuittii
Badjelaš 70 jahkásaš dievdu Leavnnjas eret gii movttáskii muhto lei ain stáđis go oaččui buori ođđasa Hamaris.
– Lea buorre ja hárvenaš diehtu maid ožžon. Duhát giitu, lohká vuoiti gii áigu máksit velggiid. Vuoitokupoŋŋa lei dolvon Leavnnja Coop Extra rámbuvrii njukčamánu 23.beaivvi.
Nubbi dievdu gii vuittii lea Hammerfeastas eret. Romssas vuittii Beardulaš nisu SuperLotto milliuvnna.
Erenoamáš lihkku
Okta dievdu gii maid vuittii SuperLottos dán vuorus, oaččui sullásaš telefuvnna Norsk Tippingas ovdalaš juovllaid. Nuppes lea vuoitán dál SuperLottos oktiibuot 2,5 milliuvnna ruvnno.
