-Almmuhus-
SMÁVVAOĐĐASATGuokte dutki oažžuba stipeandda 

Guokte dutki oažžuba stipeandda 

View all posts

-

-

Várdduo sámi dutkanguovddáš Upmeje universitehtas juohká guokte stipeandda sámi dutkanfáttáide.

Jagi 2022 stipeanddat mannet Anders Östergren Njajtai ja Alexander Morellii.

Anders Östergren Njajta dutká máttasámegiela su bachelorčállosis «MIJ SATNE DEBPENE? Pronovmene satne logoforeles raajesinie jïh frïjje ov-ryöktesth diskuvsjesne åarjelsaemiengïelesne».

– Son iská mot pronomenat leat geavahuvvon máttasámegielas. Son čállá su bachelorčállosa Upmeje universitehtas. Östergren Njajta iská sihke čállosiin ja njálmmálaš jearahallamiid bakte su fátta. Dat dutkan nanne máttasámegiela, čállá Várdduo sámi dutkanguovddáš Upmeje universitehtas preassadieđáhusas. 

Alexander Morell dutká fas su birasarkiteaktaoahpahusas Uppsala universitehtas mot kultuvrabirrasa Nihkkáluovtta turistaguovddážis sáhtalii hábmet vai heive lundui, kultuvrii ja historjjálaš duogážii. 

– Morell lea gažadan ássiid Nihkkáluovttas ja iskan girjjálašvuođas ja kárttain mot buoremusat heivelii hábmet Nihkkáluovtta turistaguovddáža olgobirrasa, čállá Várdduo sámi dutkanguovddáš Upmeje universitehtas preassadieđáhusas. 

Stipeandda lea 10 000 ruvnno ja juhkko ovttas Såhkie – Upmeje -sámiservviin. 

-Almmuhus-