Guokte dorvoohcci galgaba maŋŋebárgga leat givssidan muhtin 12-jahkásaš nieiddaža Álttás. Soai sáddejuvvoba dál eará vuostáiváldimii.
Guokte dorvoohcci galgaba maŋŋebárgga leat givssidan muhtin 12-jahkásaš nieiddaža Álttás. Soai sáddejuvvoba dál eará vuostáiváldimii.
Altaposten dat čálii maŋŋebárgga dáhpáhusa birra gos muhtin 12-jahkásas nieida galgá leat givssiduvvon sihke fysalaččat ja njálmmálaččat guovtti olgoriikkalažžii. Muhtin vihtan galgá leat bissehan dáhpáhusa.
Politiijat dutket
Dál leaba albmá guovttos váldon. Čájehuvvo ahte olgoriikkalačča guovttos leaba dorvoohccit ja orruba ođđa asylavuostáiváldimis mii lea ovddeš Nordlys hoteallas, Bossegobis Álttás.
– Min dutkama vuođul leat váldán guoktása gažadeapmái. In hálit muitalit maid soai leaba čilgen, go eat leat vel gažadan buohkaid. Muhto lea sihkar ahte leat váldán rivttes olbmuid gitta, čilge dutkamušjođiheaddji Svein Erling Mikalsen Altapostenii.
Asylavuostáiváldimis leat ovttasráđiid UDI:in (Direktoráhta olgoriikkalaččaid áššiide) mearridan sirdit dán guoktá eret Álttás ja eará vuostáiváldimii.
