Ikte maŋŋit eahkes ja otná čuovganeapmái ledje guokte buollima, goabbat geahčen Álttá.
Ikte maŋŋit eahkes ja otná čuovganeapmái ledje guokte buollima, goabbat geahčen Álttá.
Diibmu 22.04 bođii diehtu ahte gávvaávžžis, nuortabeale Álttá lei viessu buollime. Buollinčaskadeaddjit, politiijat ja ambulánsat manne báikái. Diibmu 22.17 dieđihedje politiijat ahte buot heahteveagat ledje joavdan báikái. Buollin lei Aleris ássansearvevuođas ja buohkat ledje beassan olggos viesus. Viessu lei oalát buollime.
Fas buollin
Diibmu 03.43 bođii diehtu ahte Gáidošguolbanis, oarjjabealde Álttá lei viessu, garaša ja biillat buollime. Buot heahteveagat manne báikái.
Diibmu 03.53 dieđihedje Álttá buollinčaskadeaddjit ahte sis lei kontrolla buollima badjel.
Diibmu 04.52 dieđihedje politiijat ahte lei dušše garaša ja biillat mat ledje buollán. Orrunviessu ii leat buollán ja politiijat loahpahedje báikkis, dieđiha Oarje-Finnmárkku politiijaguovlu.
