-Almmuhus-
OĐĐASATGuokte biilla oktiibeaškkehan davábealde Guovdageainnu

Guokte biilla oktiibeaškkehan davábealde Guovdageainnu

-

-

Guokte olbmo dolvo ambulánssain Áltái.

Disdatiđida beaškkehedje guokte biilla oktii riikkageaidnu 93:s birrasii 6 km davábealde Guovdageainnu.

Lihkohisvuohta geavai sullii diibmu 08.30.

Politiijat, ambulánssat ja buollinčáskadeaddjit manne lihkohisvuođabáikái.

Biillain ledje njeallje olbmo, ja guoktása dolvo Áltái ambulánssain.Nuppi biillas lei biilajorri maŋis, ja nubbi biila orru dan njeaiga vuodján.

– Orru čájeheame ahte biilajorri lea šleaŋggehan ja nubbi biila lea vuodján biilajorri njeaiga, muitala operašuvdnajođiheaddji Anders Bjerke-Olssen.

Luodda lea ain gidejuvvon, ja leat čorgeme roakčanan biillaid eret báikkis.

Lihkohisvuođabáikkis leat ollu biillat vuordime beassat meattá.

-Almmuhus-