Guokte biilla beaškkeheigga sotnabeaivvi eahkedis riikkageainnu 92:s Kárášjoga lahka.
Politiijat dieđihit ahte ii leat okta ge roasmmohuvvan, muhto luodda lea gitta. Heahteveahkit maid bohte báikái, ja dolvo guoktása dearvvašvuođaguovddážii, geat leigga goabbat ge biillas.
Politiijat dieđihit ahte sii dutket ášši.
Das maŋŋelaš dieđihit politiijat ahte olgoriika guorbmebiila čálistii luotta badjel, seamma báikkis gos lihkohisvuohta geavai, ja ahte dárbbašit gohččut gádjunbiilla.
Johtolatguovddážii dieđihuvvui ahte dárbbašuvvo sádduid botkkuhit báikái go lea hirbmat gálja. Dan botta go ledje vuorddašeame sáddobotkkuheami, de vujii dat lossa gádjunbiila luotta badjel, dieđiha Finnmárkku politiijaguovlu Twitteris.
