Áisaroaivvi guovllus Finnmárkkus bulii sotnabeaivvi eahkeda nubbi barta seamma vahkkoloahpa.
Áisaroaivvi guovllus Finnmárkkus bulii sotnabeaivvi eahkeda nubbi barta seamma vahkkoloahpa.
Buollinčáskadanveahka vuoddjái sotnabeaivvi diibmu 22.30 čáskadit bartabuollima Áisaroaivvis Fálesnuori suohkanis.
Eai galgga leamaš olbmot barttas go buollái.
– Politiijat eai vuolgán báikái go bođii diehtu, muhto mii álggahit ášši nugo lávet ja vuolgit dutkat buollinbáikki. Eat dieđe vel juste man stuora vahága buollin dagai, muhto barta lea buollán visot.
Nu muitala Oarje-Finnmárkku politijaid bajitbálvá Andreas Vesterhus Ávvirii mánnodat iđida.
Lávvordaga bulii eará barta seamma guovllus gutnan. Dat lei vuollelis, Áisárgoržži bartaguovllus. Sotnabeaivvi buollin lei badjin kapealla lahka.
