-Almmuhus-
-Almmuhus-
OĐĐASAT Guoktá­sis dieđi­huvvon korona­dávda Eano­daga gielddas

Guoktá­sis dieđi­huvvon korona­dávda Eano­daga gielddas

-

-

Guovtti olbmos Eanodaga gielddas lea dieđihuvvon korona.  Buohccedikšunbiirre almmuhusa mielde leat 26 olbmo leamaš oktavuođas sudnuin geain lea duođaštuvvon korona.

Dán dieđiha Yle Sápmi. Eanodaga gielda čállá iežaset neahttasiiddus ahte rádjerasttildeapmi sáhttá dagahit stuora njoammunvára Norrbottena rádjeguovllus. Sii ávžžuhit olbmuid váldit iskosa jus leat dávdamearkkat, ja sii fertejit leat várrogasat.

Olu olbmot johtet riikaráji rastá barggu dihte, čállet Eanodaga ja Muoná gielddadoaktárat Sirpa Pajunen, Teemu Taulavuori ja Markku Broas čállosis mii lea almmuhuvvon Eanodaga gieldda ruovttusiiddus. 

Sii čállet maid dan sáhttit dagahit ahte rádjeguovlluin sáhttá leat stuorit koronanjoammunvárra ja ahte jus johtá rastá rájiid Ruŧŧii, de ferte leat várrogas.  Sii ávžžuhit maid olbmuid Suomas váldit iskosa jus leat dávdamearkkat. 

Sii čállet maid ahte dávda lea earenoamáš váralaš boarráset olbmuide, ja olbmot geat barget boarrásiiguin fertejit leat maid earenoamaš várrogasat. 

– Lea maid várra ahte Davvi-Suomas šaddá epidemiija, muhto várrogasvuohta ja ovddasvástádus sáhttá eastadit njoammuma Davvi-Suomas, čállet Eanodaga ja Muoná gielddadoaktárat Sirpa Pajunen, Teemu Taulavuori ja Markku Broas.

- Advertisement -
-Almmuhus-