-Almmuhus-
-Almmuhus-
OĐĐASAT Guoktásii njommon covid-19 geaidno­barggus

Guoktásii njommon covid-19 geaidno­barggus

-

-

Porsáŋggu gielda dieđiha ahte lea covid-19 njoammudávda Skarvbergtunealla geaidnobarggus.

Soai eaba leat Porsáŋggu gielddas dál go soai guđiiga geaidnobarggu skábmamánu 19. beaivvi. Fitnodat, mii lea bargamin Skarvbergtuneallain, lea bidjan johtui buriid njoammueastadandoaimmaid bargosajis. Porsáŋggu gielda lea gulahallan buot lagaš olbmuiguin ja bidjan sin erremii. Sii geat leat Skarvbergtunealla geaidnobarggus leat iskkaduvvon mannan vuossárgga. Dan dieđiha Porsáŋggu gielda preassadieđáhusas.

Porsáŋggu gielda ávžžuha buohkaid, geat leamaš Skarvbergtunealla geaidnobargosajis dahje leamaš lahka geaidnobargoveaga, leat ovddalgihtii várrugassan. Gielda ávžžuha buohkaid bassat gieđaid ja doalahit gaskka nu mo Álbmotdearvvašvuođainstituhtta lea ávžžuhan olbmuid dahkat eastadan dihtii dávdda. 

Skarvbergtunealla lea Eurohpágeaidnu 69 Porsáŋggu gielddas ja manná Smiervuona ja Reihváhki gaskka.

-Almmuhus-