Sámi veagaid searvi lágida dán jagi fysalaš sámi albmotbeaivvi doaluid ruoŧa beale Gárasavvonis.
Guovvamánu 6. beaivvi lágida Sámi veagaid searvi doaluid Ruoŧa beale Gárasavvonis. Prográmma álgá diibmu 11.00 go levgejit sámeskuvlla olggobealde. Simon Marainen ja Sandra Wasara-Hammare lávluba. Levgemii lea maid vejolaš searvat njuolggosáddagis mii rávdnjejuvvo searvvi Facebook-siiddus. Das maŋŋel lea juoiganbargobádji mánáide ja nuoraide lášmmohallanlanjas.
Searvi guossoha lákcagáhkuid lášmmohallanlanjas. Diibmu 16.00 álgá konsearta Gárasavvona skuvlla lášmmohallanlanjas mas Simon Marainen, Sandra Vasara Hammare dehe ‹Veden› ja Ella Sikku Kuhmunen guoimmuhit.
Searvi čállá ahte sii lágidit doaluid álbmotdearvvašvuođaeiseválddiid rávvagiid vuođul, dan dihte lea juohke geahččis čohkkánsadji ja gáibidit maid boahkuhanpássa olbmuin geat leat 18 jagi dahje boarrásit. Lea maid vejolaš geahččat njuolggosáddaga Zooma bokte jus dieđiha searvái ovdagihtii.
