-Almmuhus-
OĐĐASATGumpepárra fárren dálveguohtumiidda

Gumpepárra fárren dálveguohtumiidda

-

-

Olbmot leat oaidnán gumpepára, varris ja njiŋŋelas gumppe Orrböles láhka Nyåker báikki Nordmaling gielddas Västerbottenis Ruoŧas. Olbmuid mielas orro dát gumpepára áigumin ásaiduvvot guvlui ja dát muosehuhttá čearuid main leat dálveguohtumat das.

– Álggus orui leamen dušše okta gumpe, muhto de oaččuimet dieđu ahte lea guovtti gumppes sáhka, varris ja njiŋŋelas návddis, mat leat ohcamin dan guoktái guovllu, ja dát ii leat buorre boazodollui, lohká Vapsten čearu stivralahttu Inger-Ann Omma oddasat.se neahttasiidui.

 

Rohkkáhii beatnaga

Olbmot fuomášedje nuppi gumppe vahkku áiggi go rohkkáhii beatnaga ja gáskkii dan go beanaeaiggát lei njoammilbivddus.

Dán vahkoloahpa duođaštii leanastivra ahte lea sáhka guovtti gumppes ja ahte njiŋŋelas gumpe lea ohcamin alcces bivdoguovllu.

– DNA-iskkos lea váldon dán guokte gumppe guččas ja boahtte vahkkus ožžot dieđu leago dát guokte gumppe gumpenállái dehálaš návddit, muitala Inger-Ann Omma. Ovdal dan ii dáhpáhuvva mihkkege leanastivrra bealis ja dat ii leat midjiide buorre go ii leat guhki dálveguohtumiidda.

 

Áigot ohcat báhčinlobi

Fuođđohálddahus lávdegotti lohká ii galgga leat gumppet boazodoaloguovllus, muhto Inger-Ann Omma dasa ii luohte, go lea politihkkárat mat mearridit galget go gumppiid diktit ásaiduvvat dasa vai eai.

Omma lohká čearut gal áigot ohcat lobi goddit daid gumppiid.

-Almmuhus-