-Almmuhus-
OĐĐASAT– Gumpe orru vuojáhallan

– Gumpe orru vuojáhallan

-

-

Gumpe, man Stáhta Luonddubearráigeahčču leat gávdnan Gávvuonas Álttás, lei hávváduvvon dego livččii biilii vuojáhallan.

Stáhta Luonddubearráigeahčču gávnnai distaga jápmán gumppe fiervvás Gávvuonas Álttá suohkanis. Stáhta Luonddubearráigeahču Rune Somby muitala Ávvirii ahte gumpe lei fiervvás, lahka ođđa šalddi. Altaposten dat čálii dán birra ovddemuš.
– Ii leat čielggas movt gumpe lea jápmán, muhto lei hávváduvvon, ja go vel gávnnaimet varraluottaid lahka geainnu, de sáhttá gumpe vuojáhallan ja lea goastan dušše dasa fiervái gosa de lea jápmán, lohká Somby Ávvirii.

 

Sáddejit Osloi
Somby muitala sii leat vihkken ja váldán gumppes DNA iskosa, man sii sáddejit NINA:i (Norsk institutt for naturforskning).
– Gumpe lei stuoris ja dettii 43,7 kilo. Dál galgat mii sáddet gumppe Osloi, veterinearainstituhttii gos galget iskat dan ja gávnnahit manne dat lea jápmán, muitala Somby.

 

Dušše oktii oaidnán gumppe
Somby, gii lea bargan Stáhta Luonddubearráigeahčus 25 jagi, ii loga eará go oktii ovdal oaidnán gumppe Finnmárkkus.
– Lea hárve ahte dáppe lea gumpe, ja dát gumpe lea árvideames dat seamma man mii leat vuohttán fylkkaráji alde Romssa bealde mannan vahkkus. Maŋŋel leat vuohttán gumppe dáppe Finnmárkku bealde, nu ahte lea oalle sihkkarit sáhka dan seamma gumppes, lohká son.

 

-Almmuhus-