-Almmuhus-
OĐĐASATGumpe báhččon Trøndelágas

Gumpe báhččon Trøndelágas

-

-

Gaskavahkku báhččui gumpe go galgá leat bohccuid rohkkáhan.

Namdalsavisa.no čállá ahte gaskavahku báhččui gumpe Lierne suohkanis, Davvi-Trøndelágas. Gumpe galgá leat báhččon go lea rohkkáhan bohccuid.

– Lea báhččon guođohettiin, dan duođašta Davvi-Trøndalága fylkkamánni, Inge Hafstad.

 

Rávjágumpe

Politiijain ii leat nu olu maid sáhttet muitalit, muhto Stáhta luonddubearráigeahččit sáhtte muitalit dat lea nuorra rávjágumpe.

Leansmánni Svenn Ingar Viken muitala sin ožžon dieđu gaskavahku diibmu 12:00. Sis leat guokte politiijabálvvá leamaš báikkis, dahkan rutiidnabarggu ja maid váldán dan jápmagumppe fárrui.

Dan galget dárkkistit movt lea jápmán.

-Almmuhus-