-Almmuhus-
GUOIMMUHEAPMI Guliid eallimis dáhpáhuvvá olu, čáhceolmmái ferte ges rievdadit fokusa

Guliid eallimis dáhpáhuvvá olu, čáhceolmmái ferte ges rievdadit fokusa

-

-

Dán vahku horoskohpa guoska Njukčamánu 11.-17. beivviide.

FIERCA

21/3-19/4

Dál galggat iežat attálda­gain atnit ávkki, čájehit daid máilbmái, ja beasat de oaidnit man muttus leat.

Dalle manná buot bures ja niegut šaddet duohtan.

Muhto juohke geahč­čaleamis friddjavuođaid váldit, earáid duolbmat, dahje ii dohkkehit ahte earát leat earáláganat go don, dat dagahit johtilit ahte loahpa loahpas leat vel darvánan dušši riidduide it ge ovdán it gosage.

 

VUOKSÁ

20/4-21/5

Ii leat ávki dušše suorpma čugget eatnan vuollái ja iskat gos leat, ja de joatkit ovddos guvlui.

Don it sáhte gáibidit ahte earát čuvvot daid seamma luottaid go don.

Danin ­fertet ge lohkat geavahančilgehusa ja lohkat kártta ovdal go gosa ge dollet.

Jus it, de gal sáhtát darvánit oalát.

Muhto jus lea čalbmi dovdat luottaid ja eará du ­nieguin ja mii du birra geavvá, de manná áibbas bures.

 

JUMEŽAT

21/5-21/6

Várut ahte smiehtastat ovdal go barggat maidige.

Dan seamma fertet váruhit jus maidige dajat.

Don it dárbbaš diehtit maid dovddat ja oaivvildat ovdal go rabat njálmmi.

Vaikke čuovut mielde mii du birra geavvá, de ale sollejuvvo eret buot dieđuin ja maid earát oaivvildit.

Dán vahkus dárbbašat čuovvut daid plánaid maid leat bidjan ja gávdnat iežat geainnu.

 

REABBÁ

22/6-22/7

Dál fertet oaivvi doallat ­njuolga ja dasto válljet geain­nu.

Ale sollašuva ja jorbbot dainna maid earát háliidit ja maid sii áigot.

Dán dillái fertet oažžut obbalaš geahčastaga.

Livččii áibbas buorre jus nagodivččet oaidnit iežat saji ollislaš govas, ja de ­bargat justa dan mii lea du bargu, ii fal eambbo dahje unnit.

 

LEDJON

23/7-22/8

Don dárbbašat oaidnit mii duogábealde geavvá.

Jus dušše fuomášat dan mii lea oinnolaš, de johtilit massát dan dehálepmosa.

It don dárbbaš buot jáhkkit maid earát lohket, erenoamážit sin geain lea jo dáhpi badjel­mearálaččat rábmot du doaimmaid.

Dus lea baicce suohttaseabbo gullat sin geat eai loga maidige, ovdalgo jáhkkit ­sidjiide.

 

BUHTISNIEIDA

23/8-22/9

Dál ii ábut logihka geavahit.

It don dattetge sáhte analyseret dan mii dáhpáhuvvá, go dat dáhpáhuvvá vugiin ja báikkiin main ii leat logihkka.

Du ipmirdit ain boastut, ja de fertet leat áicil daid háviid go lea buoret jaska čohkkát dan sadjái go dadjat maid jurddašat ja dovddat.

Ale seagut iežat beare olu earáid áššiide, muhto hukse iežat hutkáivuođain.

 

VIEHKAT

23/9-22/10

Dán vahkku lea dus gievrras vuostálasti.

Namalassii don ieš.

Muitte go deaividit hástalusat ja unohisvuođat, de leat don ieš dasa sivalaš.

Oaččut roahkka vuordit maŋemus minuht­tii válljet.

Muhto go juo álggahat barggu, de fertet dasa bidjat buot návccaid.

Čuovo iežat ideálaid ale ge seahkán iežat siskkáldas eahpesihkarvuođa ja eahpádusa dihte.

luohte fal alccet.

 

SKORPIUVDNA

23/10-21/11

Buorre ráđđi skorpiuvnnaide dán vahkku.

Dohkket eallinvuorbbi. Dohkket dan mii dáhpáhuvvá, ja geavat iežat návccaid bargat dan mii dutnje lea oaivvilduvvon.

Ale vikka vuoste­biekkas rahčat, jorggit miehtebiggii.

Dál lea dus dakkár vahkku go ollet gárvvistit earenoamáš olu.

Dasa leat guokte diŋgga dehálaččat.

Bargga 110%, ja hilggo visot vuostehágu mii dus lea.

 

BÁHČČI

22/11-21/12

Juste dál dárbbašat don čuovvut mielde das mii dáhpáhuvvá du fieskki ravddas.

Doppe han gávdnojit vejolašvuođat.

Ii leat sáhka dušše das maid barggat, lea sáhka du dárbbuin maid.

Soaittát fáhkka vajálduht­tit iežat go leat ohcame dan maid doaivvut don dárbbašat dán ­vahkku.

Govčča álggos iežat dárbbuid.

Dasto sáhtát ollašuhttit iežat višuvnnaid ja earáid dárbbuid ja sávaldagaid.

 

BÁKTEBOHKKÁ

22/12-19/1

Guora bálgáid dárkilvuo­đain ja čielga oainnuin.

Atte čielga signálaid earáide das gosa don leat manname.

Leage nu dárkil go vejolaš das maid barggat.

Dál lea vuogas áigi ohcat čiekŋalasas čihkkon návccaid.

Olmmáivuohta, ja dat mii dutnje ja du lagamusaide lea deháleamos, lea mearri­deaddji das movt vahkku ovdána.

Muđui lea buoremus bargat garrasit ja oažžut bohtosiid.

 

ČÁHCEOLMMÁI

20/1-18/2

Dál fertet rievdadit fokusa.

Čáhceolbmát dárbbašit doala­hit julggiid eatnamis dán vahkku, dovdat gosa sii gullet ja masa háliidit ­bidjat iežaset hutkkálaš návccaid.

Dál lea áigi jearrat alddát mii du skeaŋka máilbmái galgá.

Muitte ahte lea váttis addit juoidá mii dus ii leat, ja álkit juogadit dan mii dus lea.

 

GUOLIT

19/2-20/3

Du eallimis dáhpáhuvvá olu dál.

Don dárbbašat luohttit ahte eallin váldá du báikkiide maid leat háliidan oaidnit ja vásihit.

Buorre ráva dán vahkku lea čuovvut sátnevádjasiid mat leat čállon Apollon tempelis Delfis.

Doppe čuoččui: «Dovdda fal iežat» ja «Buot mearálašvuođain». Muđui lea dehálaš doalahit beaivválaš doaimmaid.

Mađi buorebut ordnet daid smávva diŋggaid, dađi fiidnábut ja eanet šaddet dat stuora diŋggat.

- Advertisement -
-Almmuhus-