Norgga Johtolatdepartemeanta lea bálkáhan Geaidnodirektoráhta sáddet njuolggadusrievdami árvalusa gulahallamii, man ulbmil lea lasihit juvlastuoluid alimus leavtta gitta 15 km/t.
– Ráđđehus háliida álkidahttit olbmuid juohkebeaivválaš eallima. Dan ahte juvlastuollogeavaheaddjit ožžot lasihuvvot alimus leavttu lea juoidá man sii leat sávvan, ja mii buoridivččii sin eallinmovtta. Seammás fertet maid fuolahit ahte dát ii čuoza earáid johtaleddjiid johtolatoadjebasvuhtii, lohká johtolatministtar Jon Georg Dale.
Dál lea juvlastuologeavaheddjiin dušše lohpi vuodjit 10 km/t.
Buoret juvlastuoluiguin sáhttá maid vuodjit eará báikkiin johtolagas go dušše vázzingeainnus.
Danin háliida ráđđehus láhčit dili lasihit leavttu 15 km/t, dieđiha NTB.
