Davvikáhpa museas lágidit geassáčájáhusa dán geasi, gos guhtta sámi dáiddára galget čájehit iežaset dáidaga.
Fáddá lea «Sámi identitehta – Dáiddačájáhus».
Dan čállá Davvikáhpa musea ossodatjođiheaddji, DR Hilde M. Nielsen, preassadieđáhusas.
Čájáhusas galget guhtta sápmelačča iežaset bargguid čájehit.
Sis lea iešguđetlágan čearddalašvuohta, ahki ja dáiddalaš ovdanbuktin.
Dáiddárat leat Máret Ánne Sara, Nils Johan Labba, Randi Marainen, Eva Line Nilsen, Tomas Colbengtson ja Ingunn Utsi.
Čájáhusa rahpan lea geassemánu 1. beaivvi, ja doppe guossohit árbevirolaš sámi biepmu mii lea ođđa vuogi mielde dahkkon.
Rahpama oktavuođas galgá maid leat logaldallan, ja eahkes lea konsearta gos Arvvas čuojaha.
Čájáhus bistá gitta borgemánu 19. beaivvi rádjái dán jagi.
