Okta dain guđa lihkuhisvuođas lei badjelaš 70-jahkásaš nisu gii heavvanii Hársttáin, go su biila fierai hápmanii.
Logut čájehit ahte dássážii dán jagi leat 86 olbmo heavvanan.
Redningsselskapet ávžžuha olbmuid ráhkkanit bures ja jurddašit sihkarvuođa birra go vánddardit čáziid ja jieŋaid lahka. Skábmamánus leat leamaš máŋga lihkuhisvuođa go olbmot leat doddjon jieŋaid čađa, muhto leat beassan fas bajás.
– Iskka álot jieŋa ovdal go manat vázzime dakko. Váldde mielde jiekŋabiikkaid, bátti ja bija mobiilatelefovnna čáhcejeahkki busse sisa. Dainna lágiin sáhtát gádjut sihke iežat ja earáid jus lihkuhisvuohta dáhpáhuvvá, dadjá Redningsselskapet fágahoavda Tanja Krangnes preassadieđáhusas.
