-Almmuhus-
-Almmuhus-
-Almmuhus-
CORONAVIRUSGuhtta korona­pasieantta jápme

Guhtta korona­pasieantta jápme

-

-

Romssa ja Finnmárkku fylkkas jápme oktiibuot guhtta koronabuohcci mannan vahkkoloahpa. 

– Hámmerfeastta buohcceviesus jápme golbma koronapasieantta mannan vahkkoloahpa. Persovdnasuoji geažil eat sáhte almmuhit sohkabeali ja agi, dieđiha Finnmárkku buohcceviessu Twitteris. 

Vuossárgga ledje Finnmárkku buohcceviesus logi koronapasieantta. Gávccis ožžot divššu Hámmerfeastta buohcceviesus ja guovttis ges Girkonjárgga buohcceviesus. 

Golbma jápmima

Maiddái Davvi-Norgga universitehtabuohcceviesus Romssas jápme golbma koronapasieantta mannan vahkkoloahpa, čállá Nordlys.

Dássážii leat Davvi-Norgga universitehtabuohcceviesus jápmán logi koronapasieantta, gávccis Romssas ja guovttis Áhkánjárggas. 

Vuossárgga ledje Davvi-Norgga universitehtabuohcceviesus 24 koronapasieantta, 22 ožžot divššu Romssas ja guovttis ges Áhkánjárggas. 

-Almmuhus-