Girkonjárggas leat sirdimin ođđa buohccevissui ja danin šaddet pasieanttat vuordit guhkebuš ovdal go besset doaktáriid lusa.
Girkonjárggas leat sirdimin ođđa buohccevissui ja danin šaddet pasieanttat vuordit guhkebuš ovdal go besset doaktáriid lusa.
Dál ii leat šat guhká dassážii go bargit ja pasieanttat besset váldit atnui ođđa buohcceviesu Girkonjárggas.
Fárren dáhpáhuvvá 10. vahkkus ja dat mielddisbuktá ahte vuordináigi guhkku.
Dassážii go buohcceviessu fas doaibmagoahtá dábálaččat, de soitet muhtin pasieanttat šaddat vuordit guhkebuš ovdal go ožžot diimmu doaktáriid lusa.
Ovttasbargu
Finnmárkku buohcceviessu árvvoštallá sáhttet go buohkat vuordit, jus lea dárbu oažžut divššu jođáneappot, de sáddejuvvojit pasieanttat Hámmárfeastta buohccevissui.
Vahkku ovdal fárrema ovttasbargá Girkonjárgga buohcceviessu sihke Hámmárfeastta buohcceviesuin ja Davvi-Norgga universitehtabuohcceviesuin Romssas, sii váldet vuostá pasieanttaid geat dárbbašit veahki dakkaviđe, dieđiha Finnmárkku buohcceviessu preassadieđáhusas.
