-Almmuhus-
OĐĐASATGuhkiduvvon riekti oažžut saji mánáidgárdái

Guhkiduvvon riekti oažžut saji mánáidgárdái

-

-

Dál besset maid mánát geat devdet jagi čakčamánus ja golggotmánus oažžut seamma rievtti beassat álgit mánáidgárdái go eará mánát geat ovdal čakčamánu devdet jagi

Riekti oažžut mánnái mánáidgárdesaji lea guhkiduvvon guvttiin mánuin. Riekti oažžut mánáidgárdesaji lea mánáide geat devdet jagi ovdal golggotmánu maŋemus beaivvi dan jagi go ohcco mánnái mánáidgárdesadji.

Jus mánná deavdá jagi loahpas borgemánu, de lea mánás riekti oažžut saji borgemánus. Jus mánná deavdá jagi čakčamánus dahje golggotmánus, de lea mánás riekti oažžut mánáidgárdesaji dan mánu go lea riegádan.

 

Stuoradiggi dagai mearrádusa geassemánu 7.beaivvi 2016, guhkidit dan rievtti oažžut mánáidgárdesaji sidjiide geat leat riegádan čakčamánus ja golggotmánus.

Juohke suohkanis lea ovddasvástádus fállat mánáide saji geain lea riekti oažžut mánáidgárdesaji.

Suohkan galgá heivehit ovttaskas sisaváldima ja buot dohkkehuvvon mánáidgárddit, sihke suohkana ja priváhta mánáidgárddit galget ovttasbargat go juhket mánáidgárdesajiid.

Dán dieđiha Finnmárkku Fylkkamánni neahttasiiddus.

-Almmuhus-