-Almmuhus-
-Almmuhus-
-Almmuhus-
OĐĐASATGuhkidit mohtorjohtolatgildosa

Guhkidit mohtorjohtolatgildosa

-

-

Finnmárkku fylkkamánni lea guhkidan gaskaboddosaš mohtorjohtolatgildosa Unjárgga ja Mátta-Várjjagis, maid mearridii guovvamánu 10.beaivvi.

Fylkkamánni lea otne, njukčamánu 10. beaivvi gulahallan orohat 6 Várnjárggain, geat leat ávžžuhan guhkiduvvot gaskaboddosaš gildosa mat leat Unjárgga ja Mátta-Várjjat gielddain, álggos goit vahkkuin.

– Guohtundilli dán guovllus lea buorránan, muhto ain heitot. Lea dehálaš ahte bohccot besset ráfis vai gávdnet guohtuma. Bohccot guhtot čorragiid mielde, miehtá guovllu, ja orohatolbmot bibmet bohccuid máŋgga sajes dálveguohtoneatnamiin, celket orohat Fylkkamánnii.

 

Fylkkamánnii lea šiehttan fas gulahallat orohagain boahtte vahkkus njukčamánu 17. beaivvi .

 

Skohtermađiijaide mat leat siskkobealde guovllu, ii guoskka mohtorjohtolatgielddus.

Fylkkamánnii lea paragráfa 9 našunála láhkaásahus mohtorjohtolatlágas, addon váldi bidjat gaskkaboddosaš mohtorjohtolatgildosiid « go lea dárbu vuhtiiváldet boazodoallo- ja fuođđoberoštumiid, dehje eará beroštumiid maid mohtorjohtolatláhka».

 

-Almmuhus-