Unjárggas gudnejahttet nissoniid sierra bálkkašumiin, Vuokko-bálkkašumiin, ja dál bivdet olbmuid nammadit nissonolbmo guhte ánssáša erenomáš gudni.
Lei Vuokko Nilsen-rohkii guhte árvalii gudnejahttit jahkásaččat muhtun Unjárgga nissonolbmo, nu lea bálkkasupmi ožžon namma «Vuokko-bálkkašupmi». Eaktu oažžut dan bálkkašupmi lea «Juohke nissonolmmoš gielddas galgá sáhttit oažžut dán bálkkašumi», ja dan eavttu lea Vuokku Nilsen bidjan eaktun. Vuokku Nilsen vádjolii jagi 2005:s.
Juohke jagi nissonbeaivvi alde, njukčamánu 8. beaivvi, geigejuvvo bálkkašupmi muhtun nissonolbmui.
Ollu buorit kandidáhtat gielddas
Dál bivdá Unjárgga gieldda njukčamánu 8. beaivvi lávdegoddi olbmuid sáddet evttohusaid guhte nissonolmmoš ánssáša liigefuomášumi, gudni ja rámi.
– Leat ollu buorit kandidáhtat, gánske lea muhtun ránnjá, gánske lea gii lea áŋgiruššan eaktodáhtolaš báikkegottis, sáhttá leat bargoustit geas leat buorit jurdagat dahje nissonolmmoš gean don oaivvildat lea buorre ovdagovva. Nammat dan nissonolbmo gean don háliidat galgá erenomáš gudni oažžut dán jagi, čállá Unjárgga gieldda.
