-Almmuhus-
OĐĐASATGuđđet Guruha

Guđđet Guruha

-

-

Maŋŋel go Gurutbellodat searvvai ođđa alit-ruoná ráđđehussii, de leat máŋga politihkkára dieđihan ahte guđđet bellodaga.

Oassi Gurutbellodaga politihkkáriin leat vuostá ođđa ráđđehusovttasbargui ja máŋggas leat jo dieđihan ahte guđđet dahje árvvoštallet guođđit bellodaga.

Vuosttaldeddjiide lea erenomáš váttis dohkkehit ahte Gurutbellodat galgá ovttasbargat Ovddádusbellodagain.

– Mun guođán Gurutbellodaga čájehan dihtii ahte vuosttaldan ráđđehusovttasbarggu Ovddádusbellodagain, dadjá Málatvuomi Gurutbellodaga joavkojođiheaddji Hege Gjerdrum NRK:i.

 

Sisafárren

Ráđđehusa ja Ovddádusbellodaga sisafárrenpolitihkka lea erenomáš hástaleaddjin Málatvuomi Gurutbellodaga joavkojođiheaddjái.

– Šaddá erenomáš váttisin go Sylvi Listhaug lea ministtarin, mun in sáhte váldit ovddasvástádusa su doaimmas ráđđehusas, lohká Gjerdrum.

 

Árvvoštallá

Maiddái nubbi Davvi-Norgga Gurutbellodat-politihkkár árvvoštallá guođđit bellodaga.

– Mun in leat vel guođđán bellodaga, muhto čuovvovaš jagi áiggun árvvoštallat geassádan go bellodagas jahkečoahkkima oktavuođas, lohká Hársttaid várresátnejođiheaddji Maria Serafia Fjellstad.

 

-Almmuhus-