-Almmuhus-
MÁNÁT JA NUORATGuđat vuoiti mánáid «Guollelihkku» gilvvus: Godde olles 10 rávddu mátkkis

Guđat vuoiti mánáid «Guollelihkku» gilvvus: Godde olles 10 rávddu mátkkis

-

-

Mailo Bals lei áhkuin, ádjáin ja čeziin Geašjávrris oaggume go sihke su ja čeazi vuggii dohpi rávdu. Govain vuittii Mailo oaggunstávrrá.

Ávvir lágida mánáide «Guollelihkku» nammasaš oaggungilvvu olles geasi gitta borgemánu 15. beaivái. Dan oktavuođas vuorbádit ođđa oaggunstávrrá juohke vahkku. Mailo Bals lea nubbin maŋemus vuoiti gilvvus.

Mailo Bals (fargga 4) lea Álttás eret. Geasset lea Geašjárgáttis Guovdageainnus leamašan čeziin (áhči vilbealli), áhkuin ja ádjáin guollebivddus. Sii godde máŋga guoli ja lunttašguovttos gesiiga ádjá/edno, Mihkkal Niillasa, vehkiin guliid gáddái.

Mailo illuda go lea stávrrá vuoitán, ja muitala iežas Geašjávrri mátkki birra:

– Mii leimmet doppe oaggume go godden stuora rávddu. Ledjen áhkuin ja ádjáin, ja mii gottiimet logi guoli.

Álo liikon oaggut

Mailo lea álo liikon oaggut, dat lea su mielas somámus astoáigedoaibma. Láve sihke geasset ja dálvet oaggut.

– Ođđa stávrráin áiggun Mironis oaggut, muitala son áŋgirit.

Mailo eadni, Lise Bakkeby Lillemoen, muitala ahte Mailo lea earenomáš guolleváibmil. Son válddii Geašjávrri guliid ruoktot ja sii leat juo ruovttus bassán ja borran rávdduid. Dat soaitá ge ággan Mailo oaggunmoktii.

-Almmuhus-