Oktiibuot guhtta olbmo roasmmehuvve lihkohisvuođas mas golbma biilla ledje mielde. Dát lea dáhpáhuvvan Dielddanuori suohkanis duorastateahkeda. Guovttis leigga darvánan biilii lihkohisvuođas.
Politiijat ožžo dieđu lihkohisvuođa birra sullii diibmu logis duorastateahkeda. Guokte biilla beaškkehedje oktii, goalmmát biila lei maid mielde lihkohisvuođas.
– Mii lea geavvan lea vuos beare árrat dadjat. Min patruljat leat hupmame singuin geat ledje mielde lihkohisvuođas, dadjá Romssa politiijaguovllu operašuvdnajođiheaddji Lennart Steffensen NTB:i. Lihkohisvuohta geavai báikkis gos lei 90 leahttorádji.
– Njealjis leat dolvojuvvon Skearrá doavtterváktii, ja guovttis leaba sáddejuvvon Hársttáid buohccevissui, cealká Davvi-Norgga Universitehtabuohcceviessu váile gaskaija duorastaga.
Dievddu ja nissona dilli, geat leaba sáddejuvvon buohccevissui, ii leat čielggas.
(©NTB)
