-Almmuhus-
-Almmuhus-
OĐĐASAT Guđas olbmos Covid-19 Tromssas

Guđas olbmos Covid-19 Tromssas

-

-

Tromssa gielda dieđiha cuoŋománu vuosttaš beaivvi lea guđa olbmo  iskkus čájehan ahte sii lea covid-19 virus.

Tromsa gielda dieđiha cuoŋománu vuosttaš beaivvi eahkedis ja ahte guhtta olbmui lea njommon covid-19 dávda. 

Čájehuvvo ahte viđas leamaš joavkkus mas muhtun olbmui lei njommon koronadávda olggobeale Tromssa ja dasto lea deaivvadan earáiguin Tromssas dáid basiid. Golbma olbmo geat ledje dan deaivvadeamis, lea duođaštuvvon Covid-19.  . Dasa lassin lea ovtta dáluolbmui gean olmmoš lei dán deaivvadeamis njommon Covid-19, čállá Tromssa gieldda diehtojuohkki Tor-Emil Schanche. 

– Mii leat gulahallan buohkain geat ledje deaivvadeamis ja áigut sihkkarastit ahte testejit iežaset, ja olusat leat juo dan dahkan. Ihttin oažžut mii vástádusa. Mii leat dárkkistan buohkaid ja árvvoštallat ahte ii leat stuorra njoammunvárra, lohká njoammudávdda bajitdoavttir Trond Brattland. 

Son ávžžuha buohkaid geat bohtet Tromssa gildii gielddain gos leat eambbo koronadávddanjoammumat, fitnet iskkadeame viđat beaivvi maŋŋá go bohtet Tromsii ja árabut jus eai leat go dušše finasteamen. Brattland rávve olbmuid maid ráddjet iežaset sosiála deaivvademiid dan logi vuosttaš beaivvi go bohtet Tromsii. 

-Almmuhus-