Regiovdna Norrbotten dieđiha gaskavahku ahte guhtta olbmo leat jápman koronadávdii Norrbottenis.
Dá leat oktiibuot 126 olbmo jápmán covid-19 dávdii Davvi-Ruoŧas giđa rájes.
55 ođđa njoammuma leat maid dieđihuvvon. Lea dál oktiibuot 6 648 olbmui njommon Norrbottenis.
Guokte olbmo leaba maid intensiivadivššus leanas ja 33:s ožžot divššu buohcceviesuin koronadávdda dihte.
Norrbottenis ledje 50. vahku oktiibuot 716 ođđa njoammuma. Mannan vahku dieđihuvvojedje 678 koronanjoammuma.
Dás oainnát koronanjoammunloguid gielddas gildii Norrbottenis 50. vahkku (ruođuid siste leat ovddit vahku korona loguid)
Árjeplovis: 1 (0), Árvvesjávrris: 1 (0), Bodenis: 156 (142), Jielleváris: 7 (3), Haparandas: 6 (6), Johkamohkis: 8 (8), Kalixas: 40 (32), Gironis: 75 (71), Lulejus: 264 (221), Bájilis: 1 (3) Bihtámis: 126 (152), Älvsbys: 24 (35), Överkalixas: 6 (2) Badje- Durdnosis: 1 (3)
