-Almmuhus-
OIDNON JA GULLONGuđas dušše johto­lagas guovva­mánu

Guđas dušše johto­lagas guovva­mánu

-

-

Go guokte mánu leat vássán ođđa jagis, de leat juo 12 olbmo duššan johtolagas. Dat lea lassáneapmi diimmážis, go njealjis ledje duššan seamma áigodaga.

– Dál lea ain dálvesiivu muhtun osiin Norggas. Vuodjit siivvu mielde lea buot buoremus eastadit lihkohisvuođaid dálvesiivvus, dadjá Trygg Trafikk preassahoavda Christoffer Solstad Steen preassadieđáhusas.

Lossa fievrrut

Gávcci guoktenuppelogi lihkohisvuođas leat deaivvadanlihkohisvuođat. Measta buot dáhpáhusain ledje lossa fievrrut. Dasa lassin lei okta lossa fievru maiddái vázziolbmolihkohisvuođas. Dál lea vuos beare árrat dadjat maide siva birra, muhto lea erenoamáš go lossa fievrrut lea nu ollu jápminlihkohisvuođain mielde nu oanehis áiggis. 2021:s ledje lossa fievrrut mielde 39 proseantta jápminlihkohisvuođain Norgga luottain. Dat lea arvat eambbo go muđui Eurohpás. Okta sivain lea fievrridandárbu oalle heajos luottain biđgejuvvon industriijas Norggas.

Leat olu lossa fievrrut luottaid alde ja dat bohtet lassánit ain jagis jahkái.

– Dávjá ii leat lossa fievrru vuoddji sivva jus geavvá lihkohisvuohta. Unnit biilla vuoddji lea hearkkit ja ferte danne leat erenoamáš áicil. Jus geavvá boasttu beallai luotta, de lea unnán maid sáhttá dahkat go stuora guorbmebiila boahtá ovddal, dadjá Steen.

Vuolgge vánddardit buori áiggis

Stuora oassi Norgga luottain leat seakka ja moalkás luottat main ii leat sárggis gasku. Personbiillat eai leat ráhkaduvvon ceavzit oktiibeaškkeheami lossa fievrruiguin. 

– Danne berre buori áiggis vuolgit. Heivet leahtu siivvu mielde ja doala gaskka biilii mii du ovddabeale lea, dadjá Solstad Steen. 

Jagi vuosttaš golmma mánus lea dávjá heajos siivu. Sáhttá hejot boltojuvvon dahje obbalaččat váttis siivu mii dagaha hástaleaddjin vánddardit luottaid alde. Buot deháleamos lea ahte vuoddjit leat áicilat.

-Almmuhus-