Dievdu bulii vehá go geahččalii jáddadit dolaid go viessu buollái.
Dievdu bulii vehá go geahččalii jáddadit dolaid go viessu buollái.
Badje-Álttás buollái viessu mannan ija. Ovdalaš diibmu viđa sotnabeaivve iđit bođii politiijaide dát diehtu.
Guđas siste
– Ledje guhtta olbmo viesus go buollái, muhto sii besse jođánit olggos, muitala Oarje-Finnmmu politiijaid operašuvdnajođiheaddji Andreas Vesterhus Ávvirii.
Dán viesus leat orro guokte olbmo.
Ii ábuhan šat
Viessu lei juo duođas buollime go buollinčáskadeaddjit ollejedje báikái moadde kilomehtera Álttá guovddážis. Dat lea oalát vaháguvvon, ja leat dál iđđes čáskadan vel dolaid. Sii eai gal oaidnán leavvanvára lagas viesuide, go dát viessu lea vehá sierra, ja gullá oapmedállui.
– Olbmot geat ledje viesus, leat vehá buollán ja njamman suova, go geahččaledje jáddadit buollima ieža. Ovtta dievddus bulii vehá giehta ja nisu lea ges ožžon suova geahppáide, muitala Vesterhus,
Buollinsiva eai dieđe vel, muhto duktet ášši dábálaš vuogi mielde.
