Dal boahtá vázzingeaidnu Bádje-Áltái
Dal boahtá vázzingeaidnu Bádje-Áltái
Borgemánu álggahuvvo vázzin- ja sihkkelgeainnu huksen Salkobekkena ja badjeÁlttá gaskkas. Geaidnu galggašii leat gárvvis čakčat 2018:s.
Guđa fitnodagain buvttii Anlegg Nord AS hálbbimus fálaldaga ja beassá bargat huksenbargguin.
Sii fálle čađahit barggu 67,2 miljovnna ruvnnu ovddas.
– Mii leat duhtavaččat gilvvuin ja lea maid hui somá oaidnit go nu máŋga báikkálaš fitnodaga adde fálaldagaid, muitala prošeaktajođiheaddji Tor Inge Hellander.
Geaidnu galgá leat olles 1300 mehtera ja mihtu lea ráhkadit sihkkaris skuvllageainnu ja buoret birrasa, Dasa lassin galggašii geaidnu vel heivehuvvot turistaealáhusaide Álttá eanu buohta.
Álggaheapmi čáhce- ja duolvačáhcerusttegiin Álttá gildii, leat mielde dán barggus.
