Jagi 2010 rájes leat 61 oahpaheaddji, veahkkebargit ja mánáidgárdebargit dubmehallon, golmmas leat áššáskuhtton ja logis dutkojuvvojit ahte leat go rohcošan.
Jagi 2010 rájes leat 61 oahpaheaddji, veahkkebargit ja mánáidgárdebargit dubmehallon, golmmas leat áššáskuhtton ja logis dutkojuvvojit ahte leat go rohcošan.
Fágabláđđi «Utdanning» lea čađahan iskkadeami ja čoaggán dieđuid.
Golmmas geat leat áššáskuhtton, leat vuordime ášši ollet diggái.
Logis leat áššáiduhtton, ja dutkan lea ain jođus.
Dušše dievddut
Fágabláđđi lea geahččan buot almmolaš rohcošanáššiid maŋemus guhtta jagi, ja viežžan dieđuid áššiin gos rohcošeaddji lea dahje lei barggus skuvllas dahje mánáidgárddis.
Rohcošeaddjit leat rektorat, erenoamášpedagogat, oahpaheaddjit, mánáidgárdeoahpaheaddjit, veahkkebargit ja skuvlaastoáigeortnega bargit.
Okta oassi guoská buohkaide, sii leat buohkat dievddut.
Birrasii 50:s sis barge oahpaheaddjin mánáid- ja nuoraidskuvllain, ja birrasii 15 áššiin ledje rohcošeaddjit barggus mánáidgárddiin.
Unnimusat 250 máná leat gillájeaddjit áššiin.
Nuoramusat leat golmmajahkásaččat.
Suorganan
Ollu áššiin lea rohcošeaddji rohcošan mánáin, geaidda sus lea ovddasvástádus skuvllas dahje mánáidgárddis. Rohcošeamit leat dáhpáhuvvan maid skuvllas dahje mánáidgárddis – go rohcošeaddji lea leamaš barggus.
Oahpahussearvvi jođiheaddji Steffen Handal lea hirpmástuvvan viidodagas.
– Leat 74 rohcošeaddji beare ollu. Mis lea duođalaš boasttuvuohta rutiinnain mat sihkkarastet ahte mánáin lea oadjebasvuohta, go dát dáhpáhuvvet nu ollu gerddiid, lohká son.
Rohcošeapmi lea issoras lossa noađđi gillájeddjiide ja sin bearrašiidda, muitala Handal, gii oaivvilda ahte skuvllat ja mánáidgárddit fertejit geahčadit movt sáhttet buoridit vuogádagaid mat hehttejit ođđa rohcošemiid dáhpáhuvvat.
– Mii fertet mieđihit ahte dákkár áššit dáhpáhuvvet, ja mii fertet eambbo bargat hehttet rohcošemiid dáhpáhuvvat, lohká Handal.
– Ii doarvái nanus
Psykologa Pål Grøndahl, gean dávjá bidjet ekspeartavihtanin, jáhkká Norgga skuvlasystema ii leat doarvái nanus hehttet dákkár áššiid dáhpáhuvvamis. Son ii leat hirpmástuvvan viidodagas.
– Doppe gos leat mánát, doppe áigot rohcošeaddjit leat. Ferte jáhkkit ahte sii geat leat dubmehallon, leat dušše unna oasáš buot rohcošeddjiiguin geat barget mánáidgárddiin ja skuvllain. Dá lea fenomena mas mii eat dovdda viidodaga, dadjá son Utdanning bláđđái. (©NTB)
