Politiijain lei unnán bargu sotnabeaivvi čuvganeapmái.
– Mannan ija ledje politiijain unnán doaimmat, mealgat unnit go dábálaččat, dadjá Finnmárkku politiijaid doaibmijođiheaddji Bjørn Gunnar Johnsen Altapostenii.
Politiijat eai leat dieđihan makkár ge erenoamáš dáhpáhusaid maŋŋá ievttá johtolatlihkohisvuođaid lávvardaga. Leamašan dušše smávva dáhpáhusat Ákŋoluovttas, Kirkonjárggas ja Čáhcesullos.
Guččadan almmolašbáikkis
– Goahteluovttas gávnnahalai muhtin 50 jahkásaš almmái guččadeamen almmolašbáikkis, dan lei galgat son diehtit ahte ii leat lohpi, dadjá Johnsen. Politiijat leat ceggen ášši su vuostá.
Muđui ledje doarrumat Ritz olgobáikki olggobealde Kirkonjárggas, čiežas gohččojuvvo ruoktot politiijain. Čáhcesullos fas dolvojuvvui muhtin 20 jahkásaš butkái go lei badjelmeare juhkan ja ii ge jeagadan politiijaid gohččuma guođđit gávpotguovddáža.
