Glássabihtát guovtti guollebiebmanrusttegis Vedbotn báikkis Davvinjárggas dagahii ahte Grieg Seafood jáhkii dat lei sabotáša. Sii váide dáhpáhusa, Kripos biddjui bargat áššiin ja dál šálloša Grieg Seafood go nu jođánit ledje konkluderen.
Glássabihtát guovtti guollebiebmanrusttegis Vedbotn báikkis Davvinjárggas dagahii ahte Grieg Seafood jáhkii dat lei sabotáša. Sii váide dáhpáhusa, Kripos biddjui bargat áššiin ja dál šálloša Grieg Seafood go nu jođánit ledje konkluderen.
Sii fuobmájedje dilálašvuođa ja váide dan álggogeahčen golggotmánu, maŋŋel go ledje gávdnon cuvkejuvvon glássa guovtti dan guđa ođđa guollebiebmanrusttegis.
Dál dieđiha Davvinjárgga leansmánnekantuvra ahte Kripos galgá veahkkin analyseret glássagahpiriid, čállá iFinnmark.
– Dahkkon iešdáhtus
Davvinjárgga leansmánnekantuvrra politiijavuosttašbálvá Runar Elde muitala ahte Kripos áigu iskat glássabihtáid ja geahččat lea go vejolaš ahte bohtet fatnasiin mat leat geavahuvvon suhppet guollebiebmanrusttegiid.
Grieg Seafood lea ovdal dadjan ahte dát lea dahkkon iešdáhtus ja báikegottis lea leamašan garra vuosteháhku rusttegiidda.
Cuovkanan čuovgapearat
Dál dieđiha Rederiet Intership Grieg Seafoodii ahte lea hui stuorra vejolašvuohta glássabihtát bohtet fitnodaga gáivofatnasis mii geavahuvvo fievrridit guliid.
Guktii leat cuvkejuvvon čuovgapearat lástenlanjas go ledje fievrrideamen veajehiid Vedbotn rusttegii.
Go gávdnui glássa guovtti eará mearddis, de sulasta bures dáhtona goas fatnasat fievrridedje guliid, čállá Grieg Seafood preassadieđáhusas.
Skiipagoasttidanfitnodat Internship šálloša, ja muitalit sii leat iskan ja buoridan fitnodaga bargovugiid.
Grieg Seafood šálloša
Grieg Seafood fas šálloša go dadje dan dahkkon iešdáhtus.
Grieg Seafooda servvodatoktavuohta Roger Pedersen miehtá ahte sii menddo jođánit konkluderedje ahte lei sabotášas sáhka.
Lea dieđihuvvon politiijaide ášši ovdáneami birra.
(©NTB)
