Preassakonferánssas disdaga almmuhuvvo ahte luonddugáhttejeaddjit leat váidán Norgga stáda oljobohkamiid dihte.
Preassakonferánssas disdaga almmuhuvvo ahte luonddugáhttejeaddjit leat váidán Norgga stáda oljobohkamiid dihte.
Greenpeace ja Natur og Ungdom searvi leat váidán Norgga stáda go jotket oljobohkamiid árktalaš guovlluin.
Váidda lea dan dihte go Norga ii čuovo dálkkádatkonferánssa mearrádusa unnidit nuoskkideami, ja go Norga joatká barggu bohkat oljju Árktalaš guovlluin.
Váidda lea historjjálaš, go lea vuosttaš geardde stáda váido vuođđolága paragráfa 112 vuođul, mas čuožžu ahte stáhta galgá gáhttet luonddu ja birrasa boahttevaš buolvvaide.
– Mii oaivvildit stáda hilgon ovddasvástádusa boahttevaš buolvvaide go rahpet stuorit oljobohkamiidda. Jus mii galgat ceavzit dán máilmmis boahtteáiggis, de fertet dálkkádatrievdamiid váldit duođalaččat, ja diktit oljju orrut eatnan vuolde, muitala Natur og Ungdom jođiheaddji Ingrid Skjoldvær NTB:i.
