Ávvir lágida govvagilvvu dán geasi, vuoitun lea govvenapparáhta.
Ávvir lágida govvagilvvu dán geasi, vuoitun lea govvenapparáhta.
Geasset leat olbmuin iešguđetlágan buđaldeamit, muhtimat luomostallet olgoriikkas, earát bivdet luosaid dahje lubmejit ja máŋggas barget ges olles geasi.
Jus govvestat geassegovaid ja sáddestat redaksjonen@avvir.no:i dahje juogát gova Instagrama bokte #avvirgeassi fáddágilkoriin, de sáhtát vuoitit smávva digitála govvenapparáhtaža.
Leat álkes njuolggadusat, don dušše govvestat gova mii orro ovdanbuktimin geasi, čálistat moadde sáni dan birra ja sáddestat midjiide dahje juogát Instagramas.
Jus Instagramas juogát, de dus ferte leat rabas geavaheaddji vai mii oaidnit gova.
Juohke vahkkus vuorbádat mii ovtta gova mii šaddá dan vahkku buoremus govvan, das vuoitá Flax-vuorbbi.
Gilvu bistá borgemánu 5. beaivvi rádjai, dalle čohkket mii daid govaid mat juohke vahkkus leat vuoitán ja vel 6 gova maid mii oaivvildat ánssášit beassat finálii.
Dáid govaid gaskkas besset min lohkkit jienastit vuoiti. Vuoiti almmuhuvvo borgemánu 7. beaivvi.
(Go searvvat gilvui de leat maid suovvan Ávvira geavahit gova neahtas dahje báberáviissas)
