-Almmuhus-
GUOLLELIHKKUGottii sáiddiid ja vuittii oaggun­stávrrá

Gottii sáiddiid ja vuittii oaggun­stávrrá

-

-

Biret Elle Julia Heahttá (7) gottii golbma sáiddi oktanaga go lei áhči, vielja ja muoŧŧala mielde oaggume meara nalde Árresis, Návuonas.

Go Biret Elle Julia guovlala Ávvira kantuvrras, de lea son aiddo geargan vuosttaš skuvlabeivviin Guovdageainnu mánáidskuvlla nuppi luohkás . Son muitala ahte skuvlii gal lei fas somá álgit maŋŋel guhkes geasseluomu. 

Oggon mearas

Áŋgiris guollebivdi muitala ahte son lea iežaset bartta lahkosis, Návuonas, oggon ollu dán geasi ja ahte son ovtta tuvrras gottii njeallje sáiddi. 

– Mun lean sihke dorgen ja gáttis bivdán. Dorget lea hui somá, go de sáhttet njeallje guoli dohppet oktanis, muitala Biret Elle Julia. 

Loga maid:
Biret Elle Julia Heahttá

Liiko oaggut

Muđui liiko Biret Elle Julia oaggut ja dál áigu ge oaggut eambbo go lea vuoitán ođđa oaggunstávrrá. 

– Oaggut lea hui soma. Lean oggon ollu dán geasi ja lean maid láhppán moadde vuokka go ledjen oaggume, muitala guollebivdi. 

– Lei hui soma go vuiten oaggunstávrrá, dál gal áiggun oaggut vel eambbo, dadjá Biret Elle Julia Heahttá.

Searvva donge

Ollu guollebivdit leat searvan Ávvira Guollelihkku givlluide.

Jus donge háliidat searvat Guollelihkku gilvui, de sáhtat avvir.no siidui lasihit gova ja čálistit dieđuid guoli birra mainna searvvat gilvui. Ávvir almmuha visot govaid avvir.no siiddus ja Ávvir báberaviissas.

Oktii vahkus vuorbádat vuoiti.

-Almmuhus-