Dán ge jagi lea Juovlanigá vánddardan feara gos. Dovddat go báikki dahje vistti?
27.12. GILVU: Juovlanigá mieđiha ovttatmano, ahte dat ledje veaháš issoras geađggit. Doppe ledje olbmot geat muitaledje ahte dološ sámi máidnasa mielde ledje stálut vánddardeame. Sis ledje gollit ja silbbat mielde. Go ihkku seavdnjadin ollejedje meara duohkái, de eai beassan šat viidáset. Nu go diehtit, de eai gierdda stálut beaivečuovgga ja go čuvggodišgođii, de eai gávdnan stálut rokkiid gosa čiehkadit ja go beaivváš de badjánii, de šadde stálut geađgin.
Jus dovddat gos Juovlanigá lea vánddardan dán jagi, de čális SMS-dieđu Ávvirii. Čále AVVIR (du vástádus), bija gaskka, čále nama ja telefonnummara ja sádde telefonnummarii 2470.
Sáhtát maid sáddet e-poastta bokte.
Vástit ovdal ođđajagemánu 5. beaivvi. Mii vuorbádit juohke beaivvi 24.12.-31.12. ovtta vuoiti gii vuoitá 3 faskunvuorbbi.
