-Almmuhus-
OĐĐASAT Gonagas­reabbá áššis leat guovttis vel váldon gidda­gassii

Gonagas­reabbá áššis leat guovttis vel váldon gidda­gassii

-

-

Finnmárkku politiijat leat váldán giddagassii vel guokte olbmo geat leat lobiheamet bivdán ja vuovdán gonagasreappáid.

Finnmárkku politiijat leat váldán gitta vel guokte olbmo geat galget lobiheamet bivdán ja vuovdán gonagasreappáid.

Dán guoktás lea čanastupmi Nuorta-Finnmárkui.

– Viidáset dutkama geažil leat váldán giddagassii vel guokte olbmo. Eat sáhte vel dadjat lea go dán guoktás oassi seamma fierpmádagas, vuoi gullaba go eará fierpmádahkii, dadjá politiija Torstein Pettersen, Finnmárkku politiijaguovllu preassadieđáhusas.

10 olbmo giddagasas

Oktiibuot leat dál logi olbmo Finnmárkku politiijaguovllus váldon giddagassii, geain lea čanastupmi áššái.

– Dát lea máŋggadáfot ášši, masa  leat čatnon máŋga olbmo. Dal lea menddo árrat muitalit maid áššáiduhtton olbmot leat čilgen áššis, ja maid dutkamat leat buktán ovdán.  Olbmot geat leat áššáiduhtton leat rihkkon áhperesurssalága, lobiheamet vuovdán dahje leat oasálaččat das, dadjá politiija Torstein Pettersen.

- Advertisement -
-Almmuhus-