Bearjadatiđit šattai Gonagas Harald Rikshospitála buohccevissui.
Gonagas Harald šattai Rikshospitála buohccevissui, ja lea dál buohccindieđihuvvon, čállá NTB.
– Mis eai leat vuos eambbo dieđut gonagasa birra. Kruvdnaprinsa Haakon jođiha stáhtaráđi odne, muitala gulahallanhoavda Guri Varpe.
Gonagas ferte šluhttet dan fásta čoahkkima, dadjá Erna Solberg (O).
Gonagas lei barggus duorastaga
Gonagas lei barggus duorastaga maŋŋelgaskabeaivvi, ávvudeame gonagasskiippa loahppaáigodaga Oslos dronnegiin ja kruvdnaprinssain.
Bearjadaga galggaiga gonagas ja dronnet Maihaugenii Lillehammeris, dronnega mánnávuođaruovttu Tuengen allé 1b rahpanávvudeapmái.
Maŋemus diehtu lea ahte dronnet manná Maihaugenii ja ahte Tuegen allé ávvudeapmi ii šluhttejuvvo.
