-Almmuhus-
-Almmuhus-
OĐĐASAT Golmmas navdojit gárrenoaivvis vuodján

Golmmas navdojit gárrenoaivvis vuodján

-

-

Mannan ija ledje njealjis biilalihkohisvuođas Čorgašis.

Nuorta–Finnmárkku politiijaguovlu dieđiha twittera bokte ahte mannan ija leat njeallje olbmo leamaš biilalihkohisvuođas Čorgašis. Dát galget leat 3 albmá ja okta nisu.

Politiijat ožžo dieđu diibmu 00.30, ahte muhtin biila lei vuodján badjel geainnu Čorgašis. Go politiijat manne báikái de gávdne vel ovtta biilla mii lei vuodján badjel geainnu gaskkal Gilevuona ja Donjevuona.

 

– Dutkan čájehii ahte dát golbma albmá dovddadit ja ledje vuodján golmmain biillain, guokte biilla gárte badjel geainnu ja de vižžoje goalmmát biillain, čilge Nuorta-Finnmárkku politiijaguovllu operašunjođiheaddji Bjørn Tormod Syversen Nordlysii.

 

Ii oktage roasmmehuvvan bárttiin.

Dat golbma albmá leat 24, 30, 51 boarrásat ja sii leat buohkat áššáiduhtton go galget leat gárrenoaivvis vuodján golmmain biillain.

– Nisu (34), guhte maid lei mielde lea mieđihan iežas geavahan gárrenmirkkuid, dieđihit politiijat twittera bokte.

 

-Almmuhus-