Davvi-Ruoŧas leat golbma olbmo jápmán koronadávdii mannan vahkkoloahpa.
Dan dieđiha Regiovdna Norrbotten iežaset neahttasiiddus mánnodaga iđđedis.
Oktiibuot leat 102 olbmo dál jápmán koronadávdii davimus Ruoŧas giđa rájes.
Mannan vahkoloahpa lea maid 192 olbmos duođaštuvvon koronadávda Norrbottenis.
Eanet olbmot dárbbašit maid divššu dávdda dihte ja mánnodaga leat 57 olbmo divššus leana buohcceviesuin korona dihte.
Guhtta olbmo ožžot intensiivadivššu ja dat lea lassáneapmi guvttiin olbmuin mannan vahku rájes.
Oktiibuot lea dál 5120 olbmos duođaštuvvon koronadávda Norrbottenis giđa rájes.
Norrbottena leanas ásset 249 749 olbmo. Nu dieđiha Regiovdna Norrbotten iežaset neahttasiiddus.
