Davvi-Ruoŧas Norrbottenis dieđihit 904 ođđa njoammuma mannan vahkus.
Golmmas leat jápmán koronadávdii maŋemus jándora. Dál leat oktiibuot 105 olbmo Norrbottenis jápmán koronadávdii. Norrbottenis dárbbašit maid eanet olbmot divššu korona njoammudávdda dihte, ja dál leat 53 olbmo buohcceviesuin ja ovccis leat intensiivadivššus, dieđiha Norrbottena regiovdna.
Norrbottenis ledje ovddit vahku 672 njoammuma. Dán vahku lea lassánan 904 njoammumii.
Gironis lea lassánan njoammun eanet go beliin,53 njoammumii. SVT Nyheter dieđiha maid ahte leat gávdnan korona boarrásiid siiddas Girona guovddážis.
Girona gielda lea dál gidden buot boarrásiidsiiddaid gallededdjiide juovlamánu 18. beaivái.
Dán vahku logut ja ruođauin leat mannan vahku njommonlogut:
Árjeplovas: 0 (0), Árvvesjávrre: 2 (7), Bodenis: 153 (138), Jielleváris: 14 (14), Haparandas: 7 (10) Johkamohkis: 14 (18) Kalixas: 52 (39) Gironis: 53 (35) Lulejus: 315 (242) Bájilis: 5 (4) Bihtámis: 196 (148) Älvsbys: 91 (73) Överkalixas: 1 (0) Badje Durdnosis: 2 (7)
