Guovdageainnus buollái viessu mannan ija.
Finnmárkku politiijaguovlu dieđihii diibmu golmmas mannan ija, dahje duorastaga čuovganeapmái, ahte muhtin orrunviessu lei buollán Guovdageainnus.
Heahteveahkkeetáhtat vuoddjájedje báikái ja ovdalaš diibmu njealji iđđesija duođaštedje ahte okta viessu mas leat guokte ássanovttadaga lei oalát buollán. Eai ballan ahte dát buollin leavvá viidáseappot.
Golbma olbmo ledje viesus ja sii sáddejuvvojedje doaktára lusa iskkaduvvot.
Eai leat vel áibbas sihkkarat lei go beana vel dan nuppi ásodagas go buollái.
